Pakistan PM House zirna inah let dawn

Pakistan Prime Minister House chu postgraduate institute atan leh a ni dawn tih Education minister Shafqat Mehmood chuan a sawi.

Pakistan Prime Minister thar Imran Khan chuan a kaihhruai sorkarin inrenchemna kalpui a tum thu a sawi tawh a, amah pawh PM House-ah hian a cheng dawn lo tih a sawi tawh a ni. Governor-te pawh sum senso sang lutuk tihziaawmna atan Governor House-ah an awm zui tawh dawn lo tih a sawi bawk a ni.

PM House hi a lianin a enkawlna pawh a hautak tham hle. Minister Mehmood chuan a enkawlna atan hian kumtin cheng maktaduai 470 vel sen a ni ṭhin tih a sawi. Mahse hetianga sorkar hmasa te lal anga maia nuamsa leh hautak taka an khawsak ṭhin dan chu mipuiten an ning tawh tih sawiin, sorkar official-te pawh a hautak lo thei ang bera an awm a ṭul a ni, a ti.

Mehmood chuan Lahore-a Governor House pawh museum leh art gallery atan hman a ni tawh dawn a, park chu mipui tlawh theih tura hawn a ni ang, a ti. Murree-a Punjab House pawh tourist complex-ah leh a ni dawn a, Karachi-a Governor House leh Balochistan mite pawh museum-ah leh an ni bawk ang.