Tualthah thubuaiah Lesotho PM nupui hreng

Kum 2017-a an kah hlum, Lesotho prime minister Tom Thabane nupui hlui Lipolelo Thabane thah thubuai kal zelah, Tom-a nupui nilai Maesaiah Thabane chu thu zawhfiah tura hren a ni.

Police-ten Maesaiah thuzawh fiah tura an hren zui bakah a pasal nilai PM Tom Thabane pawh nimin khan thu zawhfiah nghal tura tih a ni. Kum 2017 June thlaa PM atan Tom lak luh a nih hma ni hnih khan, a nupui hlui Lipolelo Thabane  chu a a in lam panna kawnga kahhlum a ni a, a taksa hmun tam taka kah a ni bawk. A thattu hi hriatzui a ni lo. 

Police commissioner, Holomo Molibeli chu PM nupui hlui thah danah court-ah a zualko leh a, kum 42-a upa Maesaiah hi bibo a tum nia sawi a nih hnuah January 10 khan amah man theihna thupek chhuah a ni.

January thla khan kum 80-a upa Tom Tha­bane hian a hriselna chak tawk tawh loh avangin PM hna a chawlhsan tawh dawn thu a sawi.