North leh South Korea-in joint liaison office hawng

North leh South Korea ramte chuan inlaichinna ṭha zawk siamna tura hmalakna kawng khat atan North lama Kaesong khuaah joint liaison office an hawng.

Joint liaison office hawnna inkhawmah hian South Korean unification minister Cho Myoung-gyon leh North Korean minister Ri Son Gwon-te an tel. Cho Myoung-gyon chuan ram pahnihte tana bung thar kaina a ni tih sawiin, North leh South-ten inremna an awm theihna tura lungrual taka an hmalakna lantirna a nih thu a sawi. NKorea hotu Ri Son Gwon pawhin Korea ram pahnih mipuite chuan an chhawr dawn hle tih a sawi bawk.

April thlaa SKorea President Moon Jae-in leh NKorea hotu Kim Jong UN-ten summit an neih hnu khan Korea ram pahnihte hian kawng hrang hrangah thawhhona dan tur kawng an zawng mek a ni. Moon hi naktukah hian NKorea-ah zinin Kim nen an inkawm dawn a ni.