Pakistan-in J&K chungchangah resolution pass

Pakistan Parliament-ah Thawhlehni khan India sorkarin Jammu and Kashmir special status pekna a tihtawp chu sut leh tura phutna leh, Kashmir mipuite an thlawpna resolution chu member-ten lungrual takin an pass. 

Kashmir mipuite an thlawpna lantira kumtina an hman ṭhin, Kashmir Solidarity Day chu nimin khan Pakistan chuan a hmang leh a ni. 

Parliament lower house, National Assembly-a resolution an pass-ah hian, India chu nikum August 5-a J&K special status pekna, Article 370 a tihtawp chu sut leh nghal tura an phut thu te, Kashmir Valley-a sipai a dahte lakkir tur leh khuahkhirhna hrang hrang a siamte sut tura an phut thu an tarlang. Article 370 a tihtawp hi Pakistan chuan na takin a sawisel a, ram pahnihte inkar boruak pawh a chhiat phah hle a ni.