Damascus airport beiah Israel puh

Syria state media chuan Israel chuan missile hmangin Damascus International Airport an bei niin a sawi.

News agency Sana hian kar kalta Inrinni zanah khan Damascus airport hi beih a ni tih an sawi a, Israel-in missile a kahchhuah zinga eng emaw zat chu Syrian air defence-ten an lo kapthla niin a sawi bawk.

Israel sipaite chuan Syria puhna chungchang hi an chhang let lo a, mahse an hmelmate ralthuam hlauhawm an neih tur dang tura an beih zel tur thu erawh an sawi thung. 

Tun thla tir lam khan Israel military official chuan sipaiten Syria rama target 200 chuang zet an kahfuh thu sawiin, hei hi Iran ralthuam dahna leh hmun dangte an ni tih a sawi. Prime Minister Benjamin Netanyahu pawhin Iran-in Syria-a sipai a dahte leh ralthuam a lakluh te dang turin hma an la zel dawn tih a lo sawi tawh bawk.