Canada-ah truck khalhtute'n lungawi lohna lantir

Canada khawpui Ottawa-a truck khalh ṭhin mi tam tak chuan prime minister Justin Trudeau-an United States ramri paltlang turte'n Covid vaccine an la vek tur a ni tih thupek a lo chhuah chu duh loin Inrinni khan lungawi lohna an lantir.

Ottowa-a “Freedom Convoy” tih hminga rally an neihah hian Canada ram khawchhak leh khawthlang lam aṭangin truck khalhtu tam tak an tel a ni.

Khawvawt tak, minus 21 degree Celsius (minus 6 Fahrenheit) hnuaiah kawngzawh hi buatsaih a ni a, sorkar lam chuan he kawngzawhah hian truck 2,700 vel an pungkhawm nia sawi a ni.

Hetih lai hian nawrh huaihawt dawn vangin security lam venthawn thilah, PM Trudeau leh a chhungte hi an chenna aṭangin hruai chhuakin hmun him lamah awmtir an ni tih CBC chuan a sawi.

Canada ramah hian ramri kaltlanga truck khalh ṭhin zinga 90% leh an ram mpui 77% velin Covid vaccine dose hnihna an la tawh a ni.