Korea ram hruaitute inkawm

North Korea leh South Korea ram hruaitute chu nimin khan NKorea khawpui, Pyongyang-ah an inkhawm.

South Korea President Moon Jae-in leh a nupui Kim Jung-sook te chuan ni thum cham turin nimin zing khan Pyongyang hi an thleng a, North Korea hotu Kim Jong-un leh a nupui Ri Sol-ju ten airport-ah an lo hmuak a ni.

Moon Jae-in hi kum sawm chuang hnuah SKorea hruaitu zinga NKorea ram tlawh hmasa ber a ni. Moon leh Kim te hi kumina meeting an neih ṭum thumna a ni bawk.

Korea ram hruaitu pahnihte hian nimin khan meeting neiin, inlaichinna ṭha zawk neih dan turte an sawidun. Economic lama thawhdunna ṭha neih chu an thupui ber tur a ni a, hemi rual hian Korean peninsula aṭanga nuclear ralthuam tihbo chungchangte an sawi bawk ang. Moon hian NKoea hotu chu nuclear ralthuamte tibo tura nawr zui a tum bawk. Hruaitu pahnih hian meeting hi ṭum hnih an nei ang.

SKorea president hi sumdawng lianten an ṭawiawm bawk a, Pyongyang-a hmun pawimawhte an tlawh nghal dawn a ni.