Nigeria tuilianah mi 100 chuang thi

Nigeria ramah tuilian vangin mi 100 chuang an thi tawh niin thuneituten an sawi.

National Emergency Management Agency (Nema) chuan ruahsur nasa vanga lui lian pahnih, Niger River leh Benue River an lian niin a sawi. Kar hnih chuang ruah a sur avangin hmun tam takah tui a lian a, thingtlang bial hrang hrangten harsatna an tawk niin a sawi. Sorkar chuan tuilenna biala chengte chu hmun him lama insawnchhuak turin a ti.

Tuilian hi state 11 ten an tuar mek a, ruah hi a la sur chhunzawm reng avangin chhiatna nasa zawk a thlen a hlauhthawnawm hle nia sawi a ni. Sorkar chuan state of emergency puan dan tur pawh a ngaihtuah mek nia sawi a ni bawk.

Nigeria ram hian kumtinin tuilian an tuar ṭhin a, tuilian vanga chhiatna an tawrh tam tak hi town planning mumal loh vang te, tui kawng in block vang leh drainage system ṭhat tawk loh vang niin an puh.