Argentina president hlui eiruk thubuai siamsak

Argentina president hlui Cristina Fernandez-i chu thuneihna a chan laia eiruaa puhin thubuai siamsak a ni.

Federal Judge Claudio Bonadio chuan Fernandez-i hi man turin thupek a tichhuak. Mahse Fernandez-i senator a nih avangin man theih loha hum a ni a, hei vang hian judge thupek hi kenkawh theih a ni lo a, Senate-in a ngaihtuah phawt a ngai dawn a ni.

Fernandez-i chuan an puhna chu thu dik lo a ni tih sawiin, a political career tihtawpsak tuma beihna niin a sawi. Judge hian planning minister hlui Julio de Vido leh official hlui pahnihte lakah thubuai a siamsak bawk.