NKorea-in missile aṭanga thlalak tichhuak

North Korea chuan kum nga liam taa missile a kahchhuah aṭanga khawvel thla a lak nia sawi chu a tichhuak.

He thlalakah hian Korean peninsula leh a chhehvel hmunte a lang a ni.

NKorea hian missile chak tak, Hwasong-12 intermediate range ballistic missile (IRBM) chu Pathianni khan a enchhin thar leh ngei tih nimin khan a sawichiang ta bawk. He msisile hi full power-in mel sang tel a thlawk thei a, US territory Guam pawh a kap pha dawn a ni. Hei vang hian he missile a enchhin leh hian ram dangte a ti phawklek nghal hle.

South Korea leh Japan chuan Pathiannia NKorea-in IRBM a kahchhuah hian km 800 vel a thlawh hnuah Japan tuipuiah a tla niin an sawi.