UN in hna a tihtlem vangin Palestinian-ten nawrh huaihawt

United Nations agency for Palestinian refugees-in fund a dawn tlem tak avanga Palestinian-a hnathawktu a tihtlem chu duh loin Nilaini khan hnathawktuten nawrh an huaihawt a, karlehah nikhat nawrh huaihawt an tum leh bawk.

UNRWA Gaza headquarters aṭanga kawngzawh huaihawtah hian mi 5,000 chuang an tel a, an zingah hian Hamas leh political pawl dang hruaitute eng emaw zat an tel a ni.

US chuan UNRWA tana sum a pek ṭhin a titawp dawn tih a puan avangin agency hian sum lamah indaih lohna nasa tak a nei chho dawn a, hei vang hian Gaza leh West Bank-a hnathawka a chhawr zinga 250 chu ban an ni dawn tih a sawi a ni. US hian kumtinin agency tan hian US dollar matkaduai 350 chuang a pe ṭhin a, mahse President Donald Trump chuan sum an pekte hi hmanchhuah a nih dan kawngah an lungawi tawk lo tih sawiin fund pek hi an titawp tawh dawn tih sawi a ni.

Gaza Strip-a Palestinian mi cheng zinga 80% vel zet hian UNRWA chhawmdawlna hi an dawng a, agency hian mi 13,000 vel hnathawkah a chhawr bawk.