Canada-ah G7 minister meeting nei

World advanced economy ram pasarih, G7–Canada, France, United States, Britain, Germany, Japan leh Italy environmental and energy minister-te chuan Nilaini aṭang khan Canada-ah ni thum awh tur meeting an nei.

G7 minister meeting-ah hian sik leh sa inthlak danglam chak chungchang te, tuifinriat humhalh leh energy thianghlim zawk siamna kawnga hmalak dan turte sawiho a ni. Hei bakah hian finance, plastic pollution leh energy security chungchang pawh sawiho a ni dawn bawk. Kumin June thla khan G7-a ram panga leh European Union (EU) chuan tuifinriat-a plastic paih leh bawlhhlawh dang paih khawmte thianfai tura hmalak an lo remti tawh a, mahse an document-ah hian US leh Japan chuan a sign ve lo.