SAfrica President sawiseltu councillor hlui man

South Africa-a Durban councillor hlui Kessie Nair chu a Facebook-ah President Cyril Ramaphosa chungchang mawi lo taka a sawi avangin man a ni.

Kessie Nair hian President Ramaphosa chu 'kaffir' tiin a sawi a, he ṭawngkam hi South Africa-a mingo leh mihrang inthliarna nasat hun laia mihang sawina ṭawngkam mawi lo tak a ni. President Ramaphosa chungchang a sawina video hi a darh nasa hle, video-ah hian Nair chuan a thusawi avanga silaia kah emaw, damchhunga lung-in tan emaw pawh a inpeih tih a sawi nghal bawk. 

Cyril Ramaphosa chu kaffir state president tia sawiin, an rama inbumna nasa tak thleng te, ram mipuite awpbeh an nih danah te, sorkar phatsannaah te, healthcare ṭha tawk lo vanga tharum thawhna thlen phahna zawng zawngte, retheihna hluar zel chungchangahte thubuai siamsak a ni tur a ni, a ti. Thu dik tak a sawichhuah avang chuan tuar pawh a inhuam tih a sawi.

Kum 2005 khan Nair hi dik lo taka thiltia puh a nih chungchangah kum ruk tang tura hremna pek a lo ni tawh bawk.