Vietnam President Quang a thi

Vietnam President Tran Dai Quang chu hun rei tak a dam loh hnuah nimin khan a thi.

Kum 61 mi Quang hi Hanoi-a sipai damdawi-inah enkawl a ni a, ramchhunga doctor leh rampawn lam mi doctor-ten theihtawpa an enkawl hnuah, a natna tuar loin a thi ta tih Vietnam Television chuan a sawi.

Quant hi kum 2016, April thla khan president atan hian thlan a ni. Hemi hma hian Minister of Public Security pawh a lo ni tawh bawk. He ministry a enkawl lai hian Vietnram rama human rights record a ṭhat loh avangin ramdangte sawisel leh beih pawh an tawk nasa hle.

President Quang hi hun eng emaw chen chu mipui hmuhah a inlan tawh lo a, May thlaa Vietnamese Communist Party-in Seventh Plenum an neih ṭum khan a hriselna ṭhat tawk loh avangin amah thlaktu tur ruat a ni dawn nia sawi thawm pawh a lo awm tawh a ni. Mahse he session kharna inkhawmah hian Quang hi telin, a mawhphurhna te ṭha taka a hlen theih avangin amah thlaktu tur hi ruat hran a ni leh ta lo.