Nuclear ralthuam tihbo hma NKorea hrek chhunzawm dawn
US Secretary of State Mike Pompeo chuan Korean Peninsula-a nuclear ralthuam tihbo vek a nih hma chuan economy lama US-in North Korea a hrekna chu hman chhunzawm zel a la ni ang, a ti.
Pompeo chuan US President Donald Trump leh North Korea hotu Kim Jong-un ten meeting an neih leh dan tur buaipui turin NKorea khawpui Pyongyang tlawh thuai a tum. Fox News-in a kawmnaah Pompeo chuan, "Meeting neih tur hi kan buaipui mek a, mahse tihtur hmabak tam tak a la awm a ni", a ti a, NKorea-in nuclear ralthuam tihbona hun atana kum 2021 a tiam chu nitin hmasawnna an hmu zel tih a sawi.
Korea ram pahnih hruaituten kar hmasaa meeting an neih chu thil chhinchhiahtlak tak a ni tih sawiin Pompeo chuan, a ṭum khatna atan North leh South Korea-te chuan nuclear ralthuam tihtawp chungchang chu an sawi thei a ni, a ti.
US State Department chuan North Korea hnenah fuel petu lawngliante chu a hrek nghal zel dawn tih a sawi bawk.