President Biden-a'n America mi an hrek mek chhuah turin Taliban ngen

United States president Joe Biden chuan Afghanistan-a Taliban thuneitute chu kum hnih kaltaa America mi an rukbo, Mark Frerich chu chhuah zalen turin a ngen.

"American sahimna tiderthawng thei emaw mipui pawisawi lo ru bo tute emaw chu dawihzepna leh nunrawngna lantirtu an ni," tiin Biden chuan thuchhuah a siam. "Taliban-te hian inṭhianṭhatna an siam duh a nih chuan a rang thei ang berin Mark hi an chhuah tur a ni. 

Inbiakremna a awm thei lo." a ti. Kum 59 mi, Mark Frerichs hi civil engineer niin, kum hnih chhung chu Afghanistan-ah hian an hreng tawh a, Taliban thuneihna hnuaia American mi an hren hnuhnung ber nia rin a ni.

Frerichs hi Lombard, Illinois-a US Navy veteran, Afghanistan-a kum 10 chuang hnathawka awm tawh a ni. February 2020 khan US sipaite inhnukdawk tura inremna an siam hma thla khatah khan an man a ni. Frerich-a chhungte hian US sorkar chu a chhuah theihna tura Taliban-te nawr na tawk loah an puh. 

Kar hmasa khan a farnu, Charlene Cakora chuan Washington Post kaltlangin Biden-a hnenah "President Biden, Afghanistan-a America mi an hren hnunhnung ber, ka unaupa chu khawngaih takin rawn hruai haw rawh," tiin a ngen.