Nigeria-ah cholera hri leng vangin mi 97 thi

Nigeria ram hmarchhak bialah tuihri, cholera hri leng vangin kar hnih chhungin mi 97 an thi tawh a, mi sang telin he natna hri hi an vei mek bawk niin United Nations chuan a tarlang.

UN Office for the Coordination of Humanitarian Affairs (OCHA) in report a tihchhuahah, kar kalta Inrinni thleng khan Yobe leh Borno state-ah cholera hri vei hi mi 3,126 an tling tawh a ni. Karhnih liamta khan Borno state-ah cholera hri hi Boko Haram helpawl hlaua tlanchhia, camp-a khawsa mekte zingah a leng tih hriatchhuah ṭan a ni. OCHA chuan ruah sur leh tuiliante avangin he hri hi ala darh zel a hlauhthawnawm hle niin a sawi.