Iran Revolutionary Guard-ten phuba lakah vau

Iran Revolutionary Guard-te chuan kar kalta Inrinni-a military parade neihna hmun bei a, mi 25 thattute chungah an theihnghilh ngai loh tura phuba lak an tiam.

Silai keng mi pali-ten Ahvaz khuaa military parade neihna hmun an beihnaa thi mi 25 zingah hian Revolutionary Guard member 12 an tel a ni. He pawikhawihna thlentute hi Gulf Arab ramte chuan an thlawp niin Iran chuan a puh. Islamic Revolutionary Guards Corps (IRGC) commander-te chuan pawikhawitute hi Gulf ram leh Israel ramah training pek niin, US pawhin a pui niin a sawi bawk.

Revolutionary Guard chuan thuchhuah siamin, phuba an la ngei dawn tih a sawi a ni. Pawikhawihtu mi pali-te hi kahhlum nghal an ni. Islamic State (IS) leh Ahvaz National Resistance chuan Ahvaz-a military parade neihna hmun beitute niin an inchhal ve ve a, mahse an tih a ni ngei tih finfiahna erawh an tilang lo.