Court-a inlan turin Nawaz Sharif-a ko

Pakistan court chuan an ram prime minister hlui Nawaz Sharif leh journalist Cyril Almedia-te chu ram phatsana puh an nih chungchangah court-a inlan turin a ko.

Civil society member Amina Malik chuan Lahore High Court-ah thubuai hi thehlutin, Sharif-a chu Dawn chanchinbu-in a kawmnaah an ram state institution dik lo taka puha tihhmingchhiat tuma puhin, ram phatsantuah a puh a ni. Prime minister hlui dang Shahid Khaqan Abbasi pawh rinawmna thu tiam a lakte vawng zo loin Sharif-a nena meeting an neihnaah National Security Council (NSC) meeting thurelte a hrilh a, hei vang hian a chunga action la turin a phut bawk.

Journalist Almeida hi an thubuai ngaihtuah ṭum thumah a inlan tawh lo a, hei vang hian bench chuan a lawyer hnenah court-a inlan tura kohna hi a zawm leh lo anih chuan bail theih loha manna tur thupek an tichhuak ang a, police-te manin court-ah hruai a ni dawn tho tih an sawi. Almeida lawyer chuan thubuai ngaihtuah leh hunah a inlan tawh ngei ang tih a tiam.