Pakistan Prime Minister ban tura ngenna hnawl

Pakistan Supreme Court chuan an ram Prime Minister Imran Khan chu mi dik tawk lo nia sawia prime minister a nihna aṭanga ban tura ngenna chu a hnawl.

Petition thehluttu hian PM Imran Khan hian a nomination paper-ah Sita White nena fa an neih chungchang a ziaklang lo a, thu dik sawi loah a puh a ni. He petition ngaihtuahtu, Chief Justice Saqib Nisar-a kaihhruai judge pathum awmna bench chuan petition thehluh a nih lai hian Khan hi PM atan thlan tlin a la ni lo a, hei vang hian awmze nei tawh lo a ni tiin a hnawlsak.

Court chuan lawmaker a nihna aṭanga Khan-a disqualify tura ngenna hi Parliament term hmasaa thehluh a ni tih sawiin, he term hi a zo tawh a ni, a ti.