US engineer-te enthlatua puh China mi man

US prosecutor-te chuan US engineer leh scientist-te enthlatua puh China mi, Ji Chaoqun man a nih thu an sawi.

Kum 27 mi, Ji Chaoqun hi China tana enthlak hna thawka puhin Chicago-ah man a ni a, US-a dan loa foriegn agent anga awma puhin thubuai siamsak nghal a ni. Ji hi kum 2013 khan US-ah electrical engineering zir turin a kal a, kum 2016 khan US Army Reserves a zawm a ni.

Chicago court-a criminal complaint thehluhah, Ji hi a hming tarlan loh high-ranking intelligence officer tana thawka puh a ni. Prosecutor-te chuan China mi, engineer leh scientist, a ṭhen chu US defence contractor-te chanchin chu a zirchiang niin an sawi. Heng mite chanchin kimchang chu Chinese intellingence te a hrilhchhawng nia puh a ni.