Saudi Arabia-in Iran puhna pha

Saudi Arabia sorkar chuan Iran-in Ahvaz-a military parade beihnaa inhnamhnawihna a nei nia a puhna chu a pha.

Saudi Arabia foreign ministry official chuan Iran official-ten Iran-a pawikhawihtute an thlawp nia Saudia Arabia an puhna chu thu dik lo hulhual a nih thu a sawi a, ramdangte ramchhung inrelbawlnaa inrawlh lo turin policy nghet tak an nei a ni, a ti.

Iran ram hotu lu ber Ayatollah Ali Khamenei chuan military parade neihna hmun bei a, mi 24 thattute chu Saudi Arabia leh United Arab Emirates (UAE) chuan sum hmangin an pui niin a lo puh tawh a ni. UAE minister of state for foreign affairs, Anwar Gargash pawhin Iran puhna chu thu dik lo, awmze nei lo niin a sawi.