China-in khawvela sea bridge sei ber a hawng dawn

China chuan khawvela tuipui chunga lei dawh sei ber, km 55-a thui a hawng thuai dawn. He lei dawh hian khawpui lian pathum, Hong Kong, Zhuhai leh Macau te a thlunzawm a ni.

Km 55- thui sea bridge dawhah hi six lane a ni a, tunnel pali leh artificial island pali a awm bawk. He lei dawhna atana steel hman zat hmang hian Paris-a Eiffel Tower ang 60 a siam theih nia sawi a ni. Lei dawh hi thla thar hian hawn tum a ni a, hawn a ni veleh hman zui nghal a ni ang.

Kum 2011 aṭang khan lei dawh hna hi thawh ṭan a ni a, kum nga chhunga zawh hman tura tih ni mah se accident, permission leh corruption thilte avangin ṭum eng emaw zat hnathawh hi tihkhawtlai a ni. A siamna senso atan hian US dollar tluklehdingawn hnih dawn sen a ni a, lei hi hawn a nih hunah chuan motor 40,000 chuangin an hmang thei dawn a ni. Hei bakah hian shuttle bus service tir a ni dawn bawk a, minute 10 danah tlantir a ni ang.