Netanyahu-an UNESCO sawmna hnar

Israel Prime Minister Benjamin Netanyahu chuan UNESCO conference on anti-Semitism a tel tura sawmna chu agency hian Juda ramte a enhran bik avangin a hnar tih a sawi.

United Nations Educational, Scientific and Cultural Organization (UNESCO) chu Israel duhsak lo leh a dodal zawnga policy siamah puhin kum 2017 khan Israel chu a lo inhnukdawk tawh a ni.

Netanyahu-a office chuan thuchhuah siamin, " Juda-te enhranna awm do let dan chungchang ngaihtuaha hmalakna chu ṭha ka tih rualin, he pawlin Israel te enhran bikna a neih tlat avangin conference-a tel loh hi ka tum ta zawk a ni", a ti. Israel PM hi UN General Assembly hmangin New York-ah a awm mek a ni. UNESO chuan anti-Semitism chungchanga conference huaihawt ringawt bakah, Juda-te enhran bikna a neih chu a titawp tur a ni, a ti.

Hetihlai hian UNESCO hotu chuan inenhranna awm ṭhin do letna ṭha ber chu zirna a ni tiin, Juda-te enhran bikna awm chu fundamental rights kalh a ni, a ti. Hei vang hian fundamental freedom humhalh a ngai a, mitinte dikna chanvo leh intluktlanna neihte chu humhalh a ni tur a ni, tiin a sawi.