China sorkar nawrna avangin Apple-in Games 4,500 chuang paih
Apple chuan China sorkarin internet policy a siamte zawm tura a nawrna avangin China App Store aṭangin games 4,500 chuang a paih. Kar liam ta khan ni hnih chhungin Apple China App Store aṭangin games hi 3,000 chuang an paih a ni.
July 1 aṭanga hman ṭan, China internet policy tharah hian games siamtute hian China Apple App store-a an dah hmain Chinese regulator-te hnen aṭangin phalna an lak phawt a ngai a ni. Hei vang hian phalna nei lo games dah te hi paih niin, July 1-ah apps 1,571 paih a ni a, July 2-ah 1,805 leh July 3-ah 1,276 paih an ni tawh.
AppInChina marketing manager Todd Kuhns chuan China hian kum khatah games 1,500 vel chuah licence a pe a, phalna nei tur hian thla 6-12 chhungte buaipui a ngai ṭhin a ni, a ti. Hei vang hian policy thar hian apps 20,000 chuang a nghawng thei dawn nia ngaih a ni.
China hi Apple App Store market lian ber niin, kum khatah a sum lakluh hi US dollar tld 16.4 a ni pha a, US-ah a sum lakluh hi US dollar tld 15.4 a ni bawk.