Rwanda prime minister hlui Habumuremyi an man
Africa khawchhak lama awm Rwanda prime minister hlui Pierre Damien Habumuremyi chu kar liam ta Zirtawpni khan Rwanda Investigation Bureau (RIB) ten an man.
An man chhan hi Christian University of Rwanda-a Board of Trustees-a president a nih laiin vawi tam cheque dik lo a pechhuak nia puh a ni a, university-a enkawl lai hian sum lamah an tlachhia nia sawi a ni. He cheque a pekchhuaha pawisa hi Rwandan franc maktaduai 100 (US dollar 1,05,000) aia tam a ni tih RIB thupuangtu Dominique Bahorera chuan a sawi.
Rwandan penal code article 373 hnuaiah hian bouncing cheque pechhuak hrem theihna hi kum 2-5 thleng jail tang tir theih a ni. Police custody-ah Habumuremyi hi dah mek a ni a, tun kar hian court-ah a thubuai hi ngaihtuah a ni ang. Habumuremyi hi kum 2011-14 khan Rwanda prime minister hna a chelh a, he hna a chelh hma hian education minister a lo ni tawh bawk. Habumuremyi hi Chancellery for Heroes, National Orders and Decoration of Honour-ah chairman hna a lo thawk tawh bawk a ni.