Nepal-in China border point a hawng

Hripui leng vanga thla ruk chhung khar a nih hnuah, nimin aṭang khan Nepal chuan China nena an inkalpawhna pawimawh chu hawngin, ramri kaltlanga sumdawnna pawh kalpui chhunzawm leh nghal a ni. 

Ram pahnihte tana international trade an kalpuina pawimawh, border point pahnihte chu Rasuwagahdi-Kerung  leh Tatopani-Zhangmu border point-te an ni a, heng hmunte hi hripui leng vangin khar an ni. March thla tawp lam khan thla hnih chhung khar a nih hnuah Tatopani-Zhangmu hi hawn a ni a, nimin khan Rasuwagahdi-Kerung border point chu hawn a ni ve leh ta a ni. 

Border point kaltlang hian China aṭangin bungrua lakluh ṭan nghal a ni a, mahse mihring inzinpawh erawh phal a la ni lo. Official-te chuan China aṭang hian nitin bungrua ton 120 chin chauh lakluh a ni rih dawn tih an sawi. Lakluh tur zingah hian readymade goods, electronic gadget, telecom leh hydropoer project atana hmanraw mamawh bakah thei (fruit) te an tel. Nepal-ah hian hri kai hmuh tawh hi mi 15,784 an awm a,an zinga 32 chuan an thihpui tawh a ni.