Pakistan PM leh China Premier inkawm

China rama ni li cham tura zin, Pakistan prime minister Imran Khan chuan Inrinni liam ta khan China premier Li Keqiang leh sorkar leh private company hotute a kawm.

Pakistan Prime Minister Office chuan PM Khan hian Chinese company-ten Pakistan rama huang an zauh zel theihna turin theihtawpa an thlawp zel tur thu a hrilh tih a tarlang. Meeting-ah hian Khan hi a cabinet member leh senior official-ten an ṭawiawm a ni.

PM Khan hi Beijing Winter Olympics hawnna inkhawm hmang tura kal a ni a, a cham chhung hian China ram hruaitu hrang hrangte a kawm ang. Zirtawpni liam ta khan Pakistan-occupied Kashmir (PoK) kaltlanga siam, China-Pakistan Economic Corridor (CPEC) thawh hnihna kalpuina tur inremna an ziak.

Inrinnia Chinese company hrang hrang hotute nen an inkawmnaah, Khan chuan Pakistan rama Chinese project thawh mek leh hmasawn dante a hrilh bawk.