Japan-ah typhoon Trami a tleh

Japan khawthlang lam chu thlipui, typhoon Trami-in Pathianni zan khan a nuai a, ruah nasa takin a sur zui bawk.

Thlipui hi darkar khata km 216-a nain a tleh a, thlipui tleh vang hian flight leh rel service tam tak cancel a ni a, mi 750,000 chuang chu power supply nei loin an awm a ni. Thlipui tlehin chhiatna a thlenah hian mi pahnih an thi a, mi 120 velin hliam an tuar. Ruah a sur tel avangin hmun eng emaw zatah lei a min bawk a ni. Thingkung leh powerline tluten relkawng an dan avangin nimin chawhma lam thleng khan rel service a la khaihlak a, fight 200 vel pawh dintir an ni bawk. Tokyo rel station-ah mi tam tak an tangkhang mek a ni.

September thla khan Japan khawthlang lam bial hi typhoon Jebi-in alo nuai tawh bawk a, he thlipui tleh hi kum tam tak chhunga Japan rama thlipui thawk na ber nia sawi a ni. Typhoon Jebi tleh vang hian mi 11 in nunna an chan phah a ni. Kumin kumtir lam khan khawthlang lam bialah hian ruahsur nasa vangin mi 200 chuang an lo thi tawh bawk.