US-in Iraq-a consulate khar dawn

US chuan Iran chhim lama Basra khuaa a consulate chu Iran leh Iran thlawptu pawlte aṭanga vauna an dawn fo avangin an khar dawn tih a sawi.

US Secretary of State Mike Pompeo chuan thuchhuah siamin consulate hi khar a ni dawn tih a sawi a, he hmuna staff te chu Baghdad lamah sawn vek an ni, a ti. Consulate leh an staff te hi tihnat emaw, beih emaw an nih chuan Iran chu mawhphurtuah an ngaih tur thu a lo sawi fo tawh bawk.

Basra khuaah hian mi maktaduai hnih chuang an cheng a, tunhnaiah pawikhawihna a thleng fo a ni.

Pompeo chuan Iran sorkar chu rocket hmanga consulate beih tumna veng zo loah a puh a, Iraq-a America mi awmte leh an hmunhma te chuan beiha vauna an tawk fo tih a sawi.