Ethiopia-a tualchhung buaina chhuakah mi 44 thi

Ethiopia ram khawthlang lama pawl pahnih inkara buaina chhuak vangin mi 44 an thi a, mi 70,000 vel an tlanchhia niin United Nations chuan a sawi.

Kar kalta Zirtawpni khan Oromia region-a Benishangul-Gumuz state tlawhtu official pali chu silai kengten an lo kaphlum a, hei vang hian buaina hi a chhuak zui ta a ni. Buaina chhuah vang hian mi tam tak chu an tlanchhe zui a ni. Benishangul-Gumuz hi Sudan leh South Sudan ramri bula awm a ni a, Ethiopia regional state pakua zinga pakhat a ni.