Israel PM leh Russia President inhmu dawn

Israel Prime Minister Benjamin Netanyahu chuan Syria security chungchang sawipui turin Russia President Vladimir Putin a hmu dawn tih a sawi.

Pathianni-a cabinet meeting neihnaah he thu hi PM Netanyahu chuan a sawichhuak a, in inhmuh hun tur tak erawh a sawilang lo.

Hetihlai hian Russia chuan Syria sipaiten Russia spy thlawhtheihna an kahthlak chungchangah Israel chu a mawhphurtuah a puh. Thla hmasa khan Syria rama Israel thlawhtheihna thlawk an kahna lamah Syria sipaite hian Russia thlawhtheihna hi an kap tel a ni. Rusia chuan Syria air defence chu C-300 missile system hmangin a thuam chak tih a sawi bawk. Mahse Israel official-te chuan he system thar hi Israel sealth fighter hmanga hneh theih a ni dawn tih an sawi a, Syria rama an hmelma Iran sipaite lut tur dang turin an bei zel dawn tih an sawi bawk.

Netanyahu chuan Putin nen hian telephone-a an inbiak thu sawiin, ram pahnih siapite thawhdunna tur chungchanga sawia inhmuh thuai an remtih thu a sawi.