Donald Trump-an Kavanaugh lakah ngaihdam dil

US President Donald Trump chuan US Supreme Court judge thar Brett Kavanaugh lakah an ram aiawhin ngaihdam a dil tih a sawi.

President Trump-an Supreme Court judge atana Brett Kavanaugh a rawt hnuah hian Democrats lamin nasa takin an dodal a, mipat hmeichhiatna lamah mawi lo taka che tawhah puhin Senate chu President nominee hi thlawp lo turin an nawr a ni. Mahse nasa taka dodal leh a, duh lohna lantira kawngzawhte huaihawt a ni chungin Senate chuan Kavanaugh hi pawmin, rinawmna thu tiamtirin lakluh a ni tawh a ni.

White House East Room-a Supreme Court judge thar Brett Kavanaugh lawmna hun hmanah, President Trump chuan Kavanaugh leh a chhungte chu hun hrehawm leh rilru natnate an thlensak avangin an ram aiawhin ngaihdam a dil tih a sawi. Eptu pawl Democrats te chu an ṭha lo hle tih sawiin, mipat hmeichhiat lam hawia Kavanaugh an puhnate chu thu dik lo a ni tih a sawi bawk.

Supreme Court Justice thar Kavanaugh chuan lakluh a nih hnua thu a sawiah, beih leh sawichhiat tawk nasa hle mah se tumah a haw lo tih sawiin, court-ah chuan politics lakluh a tum lo tih a sawi. Supreme Court chu mi pakua awmna team a ni tiin, team member ṭha tak a nih tur thu a sawi