China-in Pakistan hnenah military drone 48 leitir dawn

China chuan Pakistan hnenah high-end military drone 48 a leitir dawn a, a man tur zat erawh an puangzar lo.

Pakistan-in a lei tur, Wing Loong II hi Chengdu Aircraft Industrial (Group) Company siam a ni. China hi Pakistan Army tana weapon system supply tu lian ber a ni a, ram pahnihte hian thawkdunin single engine multi-roel combat aircraft JF-Thunder an siam bawk a ni.

China-in Pakistan hnena high-end military drone a leitir tur thu hi India-in Russia aṭanga S-400 missile defence system a lei tur thu a sawi hnuah puan a ni ve nghal a ni. India leh Russia hian kar hmasa khan inremna hi an lo ziak tawh a ni.

Pakistan Air Force-a Sherdils Aerobatic Team chuan an official Facebook account-ah Chinese drone an lei tur thu hi an tarlang a ni. A man zat tur tarlan tel a ni lo a, inremna an siam hun leh Wing Long II te an dawn theih hun tur pawh tarlan a ni lo bawk.