Bulgarian journalist Marinova pawngsual leh thah a ni

Bulgaria rama European Union fund dik lo taka hman a nih chungchang report-tu, Bulgarian journalist Viktoria Marinova chu pawngsual hnuah thah niin, a ruang hi Danube River bulah hmuh a ni.

Kum 30 mi Viktoria Marinova ruang hi kar kalta Inrinni khan hmuh a ni a, police-ten chhui zui nghalin pawngsual a nih hnuah na taka kutthlak a ni a, an rekhlum zui niin an sawi. Marinova hi Ruse-a TV station TVN-a director a nih bakah, investigative program pahihah TV presenter a ni bawk.

Journalist group te leh foreign official-te chuan Marinova chunga thil thleng hi an dem thu sawiin, pawikhawihtute chhui chhuak a, hremna pe ngei tura an phut thu an sawi. Hetihlai hian Bulgarian interor minister Mladen Marinov chuan Marinova thah a nih chhan leh a hnathawh chuan inkaihhnawihna an nei lo niin a sawi.

Thawhṭani zan khan Bulgaria mi tam tak chu Marinova chunga thil thleng an demna lantirna atan leh, a sunna hun hmangin an pungkhawm.