AP in Agriculture College dang a nei leh dawn: Pema Khandu

Arunachal Chief Minister Pema Khandu chuan Thawhlehni khan Rama Krishna Mission School dinna tur lungphum chu Lumding-ah a phum a, he hunah hian Pema Khandu chuan an state chhunga Agriculture College pahnihna tur East Kameng-ah din a nih thuai dawn thu a sawi.

Pema Khandu chuan Agricultural College din a nih hunah chuan Kameng mai bakah a chhehvel dis­trict te pawhin an chhawr dawn tih a sawi a ni.

Rama Krishna Mi­ssion School din a nih chungchang chu sawiin local MLA Mama Natung-te hmalakna chu fakawm a tih thu a sawi a, RK Mission chuan state chhunga human resource development-a an thawhhlawk thu sawiin state sorkar pawhin an hmalakna chu a thlawp tih a sawi bawk.

Chief Minister chuan RKM School leh Agricultura Collge East Kameng district-a din chuan zirna lama hma­sawnna a thlen dawn mai bakah tourism leh economic lamah hma­sawnna nasa tak a thlen tih a sawi. Hemi a nih avang hian tualchhung mite chu an hmalakna thlawp turin a ngen bawk a ni.

He hunah hian MoS Home Kiren Rijiju, Home Minister Kumar Waii, RKM assistant gene­ral secretary Swami Bodhasarananda-te pawh an tel a ni.