Khawvel-ah Covid-19 kai mtd 400 chuang awm tawh

Khawvel pumah Covid-19 hri kai hmuhchhuah mi maktaduai 400 chuang an awm tawh tih Johns Hopkins University data, Thawhlehnia tihchhuah chuan a tarlang.

Hri kai hmuh chhuah hi mi 40,02,44,031 awm tawhin, thihpui 57,61,208 an awm tawh bawk.

United States chu hri kai leh thihpui tam berna a nih chhunzawm zel a, hri kai mi 7,70,25,027 leh thihpui 9,08,262 an awm tawh a, khawvela Covid-19 kai hmuhchhuah zat aṭanga 19% chu US-ah niin, hripui thihpui 15% chuang an awm bawk.

India chu hri kai hmuhchhuah tamna ram pahnihna a ni mek a, hri kai 4,24,10,976 awm tawhin, Brazil chuan dawtin hri kai hmuhchhuah tawh zat hi mi 2,67,76,692 an awm a, thihpui tam lamah erawh pahnihna niin mi 6,34,057 in an thihpui tawh a ni.

Covid kai mi maktaduai 12 chuang awmna ram dangte chu France, Britain, Russia leh Turkey-te an ni a, thihpui mi nuai hnih chuang awmna ramte chu India, Russia, Mexico leh Peru-te an nih thu university zirchianna chuan a tarlang.

January 26, 2021 khan mellung duhawm loh tak siamin, khawvel huapa hri kai hmuh chhuah chu mi maktaduai 100 tling chhoin, August 4-ah mtd 200 leh January 6, 2022 khan mi mtd 300 a tling chho leh a ni.