Taliban-ten Kabul kawtthlera sorkar hmasa hnuhma thaireh

Taliban-te chuan Afghanistan-ah thla ruk chhung thuneihna an chang tawh a, an ram khawpui Kabul-a sorkar hmasate hnuhma hrang hrang awmte chu an thai reh vek tawh.

Sorkar hmasain flag a tar te, bang(wall)-a hnam pasalṭhate hming a ziahte leh Taliban beihnaa thite hriatrengna lungphum a siamte chu Taliban-te hian an paihbo vek tawh a ni.

Bang-a hnam pasalṭhate hming inziahnate Islamic Emirate slogan chuan a luahlan vek tawh a, "Pathian ṭanpuinain, kan ramin America kan hneh a ni," tih an ziak.

Kabul khawpuia beauty salon neitu tam zawkte chuan hmeichhia, full make-up leh hair style tunlai tak tak nena an lanna poster an tarte pawh an dah bo vek tawh. Bazar leh cafe-ahte hmeichhia hmuh tur an tlem tawh hle a, Afghanistan-te'n thuneihna an chan hnu hian hmeichhe tam tak chuan pawn an chhuak ṭha ngam tawh lo a ni.

Taliban-te hian checkpoint ṭhahnem tak an siam belh avangin khaw thim hnuah kawtthlerah motor tlan pawh hmuh tur an awm lo.