Myanmar sawisel vangin journalist pathum thubuai siamsak

Myanmar sorkar sawiselna tichhuaktu tualchhung journalist pathum chu Nilaini khan man an ni a, report an tihchhuah danah dan bawhchhiaa puh leh mipui tichiai zawnga thil tiah puhin thubuai siamsak an ni.

Journalist pathum thubuai siamsakte hi Yangon-a Eleven Media Group a mi - Ko Nayi Min, Ko Kyaw Zaw Linn leh Ko Phyo Wai Win te an ni. Penal code section 505 (B) hnuaiah thubuai siamsak an ni. He section hnuaiah hian mipuite tichiai leh tithlabar zawnga thuchhuah emaw report emaw siam khap a ni. Thiam loh chantir an nih chuan kum hnih thleng lung-in tantir theih an ni ang.