Yemen chhim lamah UN staff panga ruk bo an ni

United Nations staff zinga mi pangate chu Yemen chhim lamah rukbo an ni tih UN chuan a sawi.

Yemen-a UN top official Russell Geekie chuan staff pangate hi field mission an nei zo, Aden lam pana an haw leh lam chu rukbo a ni tih a sawi a, UN chuan chhuah an nih leh thuai theina atan thuneitute pawh a bepawp reng a ni, a ti.

Kum 2015 aṭang khan Iran thurualpui, Houthi helpawl leh Saudi kaihhruai Arab ṭangrual ram sipaite chu an inbei reng a ni. Ṭangrual ramte hi kum 2015-a Houthi helten Yemen khawpui, Sanaa-a sorkar ding lai an paihthlak avanga tualchhung indona a chhuah aṭang khan an inrawlh ve nghal a ni. Tualchhung indona thleng vang hian mi sang tel an thi tawh a, mi maktaduai tel chu hmun him lamah tlanchhiain, nitin khawsakna kawngah mipuite harsatna lian tak an tawk chho reng a ni.