Taliban-te'n thuneihna an chan hnuah Afghanistan-a Radio Station 86 khar a ni tawh

Afghanistan-a Taliban-ten nikum August thlaa thuneihna an chan aṭang khan, an ram chhunga radio station 86 chu rauhsan a ni tawh.

Media watchdog organization chuan financial leh politics chungchang chu Afghan media tlakchhiat chhan ber a nih thu a sawi.

Afghanistan-a civil sorkar paihthla a, Taliban-ten thuneihna an chan hnua politics buaina chuan radio sector-te chu a nghawng na hle nia sawi a ni.

Radio station tihtawp zingah hian Radio Jahan pawh a tel a, an hotu Masowar Rasikh chuan sum lama harsatna nasa tak a awm chhoh avangin thlaruk chhung hna thawk loin an titawp tawh tih a sawi.

Zamzama radio station-a an hotu Shafiullah Azizi chuan, "Ramchhunga radio station 70% vel chu khar an ni tawh. A chhan ber chu eibar zawnna kawnga harsatna leh puanchhuah tur programme awm loh vangte an ni. Kawng lehlamah chuan, sorkar hian radio station aṭanga chhiah lak a phut tlat bawk a ni,"a ti.

Statistics aṭanga a landanin,nikum August thlaa Taliban-in thuneihna an chan aṭang khan media organization hrang hrang 300 chuangte chu khar an nih tawh thu Tolo News chuan a puang bawk.