SKorea-in Covid dose lina pe chhuak

South Korea chuan nimin aṭang khan high-risk group tan Covid-19 vaccine dose lina a pechhuak ṭan.

Korea Disease Control and Prevention Agency (KDCA) chuan high-risk group-ah hian mi maktaduai 1.3 vel an awm tih sawiin, Omicron variant darh zel avanga high-risk group-ah hri kai leh thihpui tur venna atan dose lina hi an pechhuak tih a sawi. Mipui nawlpuite erawh pek tum a nih loh thu an sawi nghal bawk.

South Korea-ah hian hri kai an la pung chak hle a, health department lam thuneitute chuan tun thla tawp lamah nikhata hri kai thar hi 1,70,000 te an tlinchhoh a rinawm thu an sawi.

Hetih lai hian an ram mipui 86% chuangin Covid vaccine dose hnihin an la tawh a, additional dose hi 57.3% velin an la tawh bawk a ni.