Pakistan President-in ISI sawisel vangin HC judge a ban

Pakistan President Arif Alvi chuan Islamabad High Court (IHC) judge Justice Shaukat Aziz Siddiqui chu an ram intelligence agency, Inter-Services Intelligence (ISI) a sawisel avangin HC judge a nihna aṭangin a ban.

Supreme Judicial Council (SJC) chuan Justice Shaukat Aziz Sid-diqui hi ISI sawiselna thu a sawi avangin ban tur hian an rawt a ni. Justice Siddiqui hian July 21-a Rawalpindi District Bar Association hmaa thu a sawiah, ISI chu court rorelnaah an tana ṭha tura rel a nih theihna tuin panel of judge siamna turah an inrawlh niin a sawi a ni.

Pakistan army chuan Siddique puhna chung-chang hi ICH chief justice Anwar Kansi-an a hnawl hnuah, Pakistan chief justice hnenah ngaihtuah turin a ngen a ni. Hemi hnu hian Chief Justice of Pakistan (CJP) Mian Saqib Nisar kaihhruai member panga awmna SJC bench chuan a chungthu hi an ngaihtuah zui ta a ni.

SJC chuan Ningani khan thutlukna siamin, Prime Minister Imran Khan hnenah Siddique chet dan chu judge chetdan tur a ni lo tiin ban turin an ngen zui a ni. PM rawtna angin President Alvi chuan Siddique chu IHC judge a nihna aṭangin a ban ta a ni.