Covid-19 dona kawngah Laos tan Cambodia luang chhuak

Cambodia prime minister Samdech Techo Hun Sen chuan kar liam ta Inrinni khan Covid-19 do nan, hmaituamna maktaduai hnih leh medical facility dangte chu an ram ṭhenawm Laos tan an pe dawn tih a sawi.

Heng bungrua ṭhahnem takte hi vawiin hian Cambodia ministry of health secretary of state, Youk Sambath chuan Laos-ah hian a phur lut dawn a ni. 

Laos prime minister Thongloun Sisoulith chuan Covid-19 dona tur atan heng bungruate hi an mamawh thu phone hmangin Cambodia PM hi a hrilh a, hemi hnu hian Hun Sen chuan ṭanpuina pek an ni dawn tih hi a puang a ni. 

Cambodia PM hi Hungary foreign minister Peter Szijjarto nen tun hnai khan an inhmu a, Peter hian Covid-19 a lo kai avangin PM hi November 4 aṭang khan ni 14 awh turin a inkhunghrang nghal a ni. Mahse vanneih thlak takin Peter hi Inrinni khan a vawi thum nan test leh niin a result hi a  negative tawh. 

Laos-ah hian Covid-19 hri kai hi mi 24 an awm tawh a, heng zinga mi 23 chu enkawl dam tawh niin, active case hi pakhat a awm. Cambodia ramah hian Covid-19 hri kai hi mi 302 an awm tawh bawk a, heng zinga mi 289 chu enkawl dam an ni tawh. Heng ram pahnihah hian Covid-19 vanga thi an la awm lo.