Netanyahu-an Hamas te vau

Israel Defence Forces (IDF) ten Palestinian firfiak pawl, Hamas-te leiverh an tihchhiat sak hnuah Prime Minister Benjamin Netanyahu chuan Hamas-te vauin, Israel rama luh tum lo turin a ti.

IDF hian Ningani zing khan Gaza Strip-a rorellai, Islamic Hams movement-ten Gaza Strip aṭanga Israel luh rukna tur leiverh an siam chu an tihchhiatsak a ni.

Benjamin Netanyahu chuan Israel chuan Hamas-te leiverh siam tum chu a tichhe zel dawn tih sawiin, Israel chu chhaihkawlh lo turin Hamas te chu a hrilh.

Israel PM hian Ningani khan Israel chhim lam, Ashdod port-a American USS Ross guided-missile destroyer a tlawh a, hei hi kum 19 chhunga American destroyer-in Ashod port a tlawhna hmasa ber a ni.

Netanyahu chuan Israel leh United States thawhdunna chu a nghet ha hle tih sawiin, a bikin security field lama an thawhdunna chu a ṭha zual niin a sawi.