Europe-ah thlipui Eunice a tleh

Europe khawthlang lam ram hrang hrangah Inrinni khan thlipui Eunice a tleh a, mi 16 an thih bakah chhiatna nasa tak a thlen bawk.

Belgium, Netherlands, Germany, Poland, Irish Republic leh UK-ah thlipui tlehin chhiatna a thlenah thi an awm a, thingkungte a len tlu nasa hle. Hmun tam takah power supply an nei lo bawk.

Britain train operator-te chuan mipuite chu zin chhuak lo turin an chah a, flight eng emaw zat cancel a ni. Netherlands-ah pawh rel service a bahlah bawk. Britain leh France inkara Eurostar leh Thalys international service chu power line chhia avangin an chawl bawk a ni.

France leh Ireland-ah pawh rel service a khaihlak phah a, Germany rail operator pawhin rel kawng km 1,000 chuang a chhia niin a sawi.