Afghanistan-in Happiness Class siam dawn

Afghanistan sorkar chuan an ram education system siamṭhat tumin hma ala mek a, a hmalakna kawng khatah zirlaite rilru tihzangkhaina turin 'Happiness Class' siam tel a tum.

Acting Education Minister Mohammad Mirwais Balkhi chuan tualchhung indona thleng reng avangin naupangte pawhin an rilru thlengin an tuar nasa tih a sawi a, hei vang zirlaiten rilru tih thawvena, rilru hahdam taka an awm theihna turin Delhi sorkarin Happiness Class a siam chu kalpui ve an tum tih a sawi. Balkhi hi Delhi sorkarin Asian Summit on Education and Skills a buatsaihah a tel a ni. 

Delhi sorkarin Happiness Curriculum a siam hi July thla aṭang kha sorkar school-ah kalpui niin, minute 45 chhung nursery-Class VIII zirlaite taksa leh rirlu hriselna siamṭhatna atan hun hmanpui ṭhin an ni.

Minister chuan an rama zirna kalpui a nih dan chu hmanlai aṭanga thlak danglam a la ni lo tih sawiin, sorkar chuan zirna tihchangkan leh tihchangtlun dan ngaihtuahin hma a la mek a ni, a ti.