Portugal-ah Hurricane Leslie a tleh

Portugal ramah kar kalta Inrinni zan khan thlipui, Hurricane Leslie a tleh a, mi 27 in hliam an tuar a, thingkung 1,000 chuang zet a len thlu bawk. Thlipui tleh vang hian mi 300,000 velin power suppy an nei loh phah a ni.

Hurricane Leslie hian darkar khata km 176-a na a tlehin Portugal hi a nuai a, kumin chhunga an rama thlipui tleh tawh zinga a na ber pawl a ni. Portugal aṭang hian Spain lam a pan leh a ni.

Civil defence official-te chuan thlipui hian ruah a ken tel avangin hmun ṭhenkhatah chuan tui a lian a, thingkung tam tak a tluk bakah flight pawh eng emaw zat cancel a nih thu an sawi. Thlipui tleh hi an ram khawpui, Lisbon leh a chhehvel district, Coimbra leh Leiria ten an tuar na zual a, hmarlama Viseu leh Porto-ah pawh chhiatna a thlen bawk.