US beihpui thlaknaah Al Shabab firfiak 60 thi
US sipaite chuan Somalia rama beihpui an thlaknaah Al Shabab firfiak 60 an thi niin an sawi.
October 12 khan central Somalia-a Mudug biala Harardhere khaw rauhsanah sipaite hian beihpui an thlak a, hei hi nikum November 21 hnuah America sipaiten beihpui an thlaka firfiak thi an tam ber ṭum a ni. Kum 2017-a firfiak ho camp an beih ṭum khan firfiak 100 an lo thi tawh bawk.
US Africa Command (Africom) chuan America sipaite beihpui thlaknaah hian firfiak 60 an thi a, civil mi thi leh hliam an awm hriat a ni lo tih a sawi. Al-Shabab firfiakte hluar zel tur dang turin Somalia leh international partner-te chu an thawhpui zel tur thu a sawi bawk a ni.