Pakistan ramri-ah Iran security force-te rubo

Pakistan chhim chhak lam ramri-ah Iran security force 14 rukbo an ni a, an zingah hian Revolutionary Guard intelligence officer te pawh an tel.

Iran top security force, Revolu-tionary Guard chuan Thawhlehni khan an member ṭhenkhat chu Sistan-Baluchestan province-a Mirjaveh khuaa border post-ah firfiak pawlin an rukbo thu a sawi. Guard chuan an member rukbo zat hi a tarlang lo a, mahse state news agency IRNA chuan official pakhatin sipai rukbo hi mi 14 an nih thu a sawi niin a tarlang.

Sipai rukbote hi ramri-a security operation neihnaa telte an ni a, an zingah hian Revolutionary Guard intelligence unit member pahnih, Basif force member pasarih, Guard volunteer wing member pakhat bakah Iran border guard-te an tel niin Young Journalists' Club (YJC) chuan a sawi bawk.

Guard ground force commander General Mohammad Pakpour chuan sipai rukbote zawnna kawngah Iran leh Pakistan-te chuan joint operation an neih a ngai tih a sawi a, Pakistan lam chuan he thilah hian an mawhphurhna an lak a ngai a ni, a ti. Pakistan sorkar chuan heng firfiak pawlte hi a hmachhawn a, Iran sipai mante hi a chhuahtir thuai a ngai a ni, a ti.